വള്ളുവനാടിന്റെ മുഴുവന്‍ സംസ്‌കൃതിയും പെയ്തിറങ്ങുന്ന ചെര്‍പ്പുളശ്ശേരിയിലെ പുണ്യപരിപാവനമായ ആത്മീയ സങ്കേതമാണ് ശ്രീ പുത്തനാല്‍ക്കല്‍ ഭഗവതി ക്ഷേത്രം.ഇവിടെ സൃഷ്ടി സ്ഥിതി സംഹാരങ്ങളുടെ മൂല പ്രേരകശക്തിയും സര്‍വ്വചരാചരങ്ങള്‍ക്കും ഏകാവലംബയുമായ ആദിപരാശക്തി തിരുമന്ധാംകുന്നിലമ്മയായി ദേവി വിളങ്ങുന്നു.മതാതീതമായ മാനവ സാഹോദര്യത്തിന്റെ കേദാരമായി വര്‍ത്തിക്കുന്ന ദൈവം ഈ നാടിന്റെ കാവല്‍ അമ്മയാണ്.

വിളിച്ചാല്‍ വിളിപ്പുറത്താണ് ദേവി.തന്റെ മുന്നിലെത്തി തൊഴുകയ്യാല്‍ വിതുമ്പുന്ന ഭക്തന്റെ ആത്മവിലാപങ്ങള്‍ക്ക് അമ്മ അറുതിവരുത്തുന്നു.ഓരോ ആത്മാവിലും അമ്മ കുടിയിരിന്ന് ആശ്വസിപ്പിക്കുന്നു.മാറോടണച്ച് മനസ്സിന്റെ പിടച്ചിലകറ്റുന്നു.മാതൃത്വത്തിന്റെ തന്‍മയീ ഭാവമായി അമ്മ ഭക്തരുടെ ഉള്ളില്‍ സദാ ഉണര്‍ന്നിരിക്കുന്നു